STEFNAN SETT Í NÁMI OG STARFI!

• Áttu erfitt með að gera þér grein fyrir hvar áhuginn þinn liggur?

• Ertu að velta fyrir þér draumanáminu/starfinu?

• Er frestunaráráttan að fara með þig?

• Dreymir þig um betra skipulag?

• Viltu tileinka þér góða námstækni og tímastjórnun?

• Er "to-do" listinn fullur af verkefnum en þú óörugg/ur með á hverju er best að byrja?

• Viltu fræðast meira um leiðir til að vinna með lesblindu og ADHD?

• Ertu að fara að sækja um starf eða á leið í atvinnuviðtal? 

• Er ferilskráin þín skýr og skilmerkileg?

• Er of mikið að gera? Viltu minnka álag og streitu en veist ekki hvernig þú vilt fara að því?

​

Hvað gera náms- og starfsráðgjafar í ME?

Náms- og starfsráðgjafar sinna fjölbreyttum verkefnum í þágu nemenda:

• Áhugasvið og færni: Aðstoð við nemendur að gera sér grein fyrir eigin áhugasviðum, styrkleikum, gildismati og færni.

• Ráðgjöf, leiðsögn og fræðsla: Í formi námskeiða, hóp- eða einstaklingsráðgjafar, um vinnubrögð í námi: námstækni, tímastjórnun og frestun, markmiðssetningu, áætlanagerð, undirbúning fyrir próf o.fl.

• Námsáætlanagerð: Ráðgjöf og aðstoð við áfangaval og gerð námsáætlana.

• Stuðningur og leiðbeiningar vegna hindrana í námi: Vegna ýmiskonar námsörðugleika, s.s. lestar- og stærðfræði örðugleika, fötlunar og fleira. 

• Eftirfylgni með námsgengi: Nemenda sem til hans leita eða til hans er vísað og gera tillögur til úrbóta gerist þess þörf.

• Ráðgjöf og fræðsla við náms- og starfsval: Miðlun upplýsinga um möguleika og framboð á námi og störfum.

• Aðstoð og ráðgjöf vegna náms- og/eða atvinnuumsókna: Auk gerða ferilskráar- og færnimöppugerðar (portfolio) og almenns undirbúnings fyrir atvinnu- og/eða inntökuviðtöl o.fl.

• Þátttaka í teymisvinnu Nemendaþjónustu ME:Tilvísun og samstarf við sérfræðinga innan sem utan skólans í samráði við nemendaþjónustuna.

• Skipuleggja náms- og skólakynningar: Bæði fyrir nemendur grunnskóla sem og háskólakynningar fyrir nemendur ME.

​

Athugið að fjarnemum stendur jafnframt slík ráðgjöf til boða, t.d í gegnum Zoom. Nánari upplýsingar hjá náms- og starfsráðgjöfum. 

​